Ég var að opna nýja síðu..

www.nyrlifstill.wordpress.com

Endilega kíkið,

Lífstíll

Sælar aftur,

Mér gengur ágætlega að halda mataræðinu og mæti í ræktina eins og ég get. Alveg brjálað að gera í skólanum. Mætti í hvorugan morguntíman í þessari viku, en fór í afró á mánud. og áðan og tók brennsluæfingu fyrir afróið á mánud.

Ég var að fá sendingu frá victoria's secret, fékk æðisleg náttföt, brjóstahaldara og 2 casual buxur, er búin að minnka um eitt brjóstahaldaranr. 36b sem er ekki slæmt

Þó að ég sé ekki búin að halda áætlun þá er ég samt mun ánægðari með sjálfa mig heldur en ég var í byrjun árs, finn mikinn mun. En nú þarf ég að spýta í lófana og halda áfram.

Ég keypti mér kort í eurowave, hafið þið prufað það? Ég hef trú á því, allavega svitnaði ég þónokkuð seinast og þykist allavega finna smá mun.

Ég ætla að skella inn vikumatardagbókinni minni á föstudögum og vinsamlegast verið dómharðar og kommentið ef ykkur finnst eitthvað mega betur fara!!!

Bestu kveðjur Lífstíll_ 

Vá hvað það eru margir sem kíkja hingað ennþá, spurning að byrja að skrifa aftur...

Smá update allavega á ástandinu hjá mér: 

Ég er ekki kolfallin þó að ekki hafi heyrst í mér lengi,  hef reyndar þyngst svoldið, en fituprósentan breyttist ekki mikið, þannig að ég dreg þá ályktun að mikill hluti séu vöðvar, ég finn líka t.d. mikinn mun á lærunum.
Ég held matardagbók með vini mínum þannig að hann les yfir.  Fór í nammibindindi í heilan mánuð, var mjög stolt af mér. Ætla núna að hafa einn nammidag, en hef reyndar ekki haldið það 100%, en ætla að vera í (a.m.k.) mánaðar brauðbanni (búin með viku), nema ætla að leyfa mér að borða mjög gróft brauð og flatkökur.
Ég er búin að vera nokkuð dugleg að æfa, fer 2x á morgnana fyrir skóla (mánud. og miðvikud.) í brjálaða brennslu og svo í afró um kvöldið, s.s. 2x á dag. Ég hef reyndar ekki mætt alveg 100% eins og ég gerði í byrjun skólans því stelpan sem ég æfði alltaf með þurfti að hætta vegna breyttra aðstæðna. 

Ég þarf líka að breyta markmiðunum mínum svoldið þar sem ég er komin á eftir áætlun..  

Þarf svo að taka einn góðan rúnt og kíkja á ykkur skvísur!

Kveðja Lífstíll_ 

Gekk ekki nógu vel með matseðilinn minn..

2 frávik, kex og kjötbollur, fór í heimilismat til ömmu. En það gengur betur á morgun..

Ætla að halda sama matseðli á morgun, nema kjúklingasalat í kvöldmat.

Kv. Lífstíll.. 

Ég nenni ekki að skrifa mikið núna, en ætla að skella inn fyrirmyndarmatseðli fyrir næstu viku.

Morgunmatur: Weetabix m. mjólk eða hrökkbrauð (ef fer að lyfta um morgun fæ ég mér próteinbar)
Millimál: Ávöxtur eða hrökkbrauð.
Hádegismatur: Það sem er í boði í mötuneytinu samt ekki brauð og mikið salat.
Kaffi: Ávextir
Kvöldmatur: skyr.is og eitthvað smá með ef að hungrið kallar enn.

Ég skrifa svo á hverjum degi næstu vikuna hvernig gekk að halda þennan matseðil!

p.s. er komin með partner í ræktina!  

Ég ætla að prufa að gera matardagbókina mína fyrirfram. Ég gerði það í gær, það gekk nú ekki 100% en gekk samt betur en venjulega, batnandi manni er best að lifa.

Ég fór út að hlaupa í morgun og gerði svo nokkrar þrekæfingar. Ég vigtaði mig líka í morgun og ég hef bara staðið í stað.
Ég ætla svo að pósta fyrirframmatseðlinum mínum í næstu viku.

Gangi ykkur vel

Ég skil ekki afhverju ég er alltaf að skemma fyrir sjálfri mér, næ alltaf einhvern veginn að sannfæra mig um að það sé í lagi að sukka.. Mér gengur oftast vel þangað til ég kem heim.. En ég er alls ekki að borða reglulega, farin að sleppa oft morgunmat sem skemmir rosalega og stelast í kex í vinnunni, ég fékk mér líka bakkelsi í vikunni, ég er ekkert búin að fara á vigtina síðan síðast, en finn samt ekki á fötunum eða í speglinum að ég sé að fitna neitt mikið, örugglega því ég er frekar dugleg að hreyfa mig. Það er bara svo erfitt að halda sig við efnið þegar það eru endalaust af grillboðum, útilegum og freistingum og ég virðist ekki vera að standast neitt. Mér er farið að líða frekar illa því út á við halda allir að ég sé svo heilsusamleg og ég er farin að fela svoldið það sem ég borða..
En nóg um væl!!!
Ég BORÐA hollt!
Ég HREYFI mig 3x-5x í viku!
Ég er með nokkra atburði sem ég ÆTLA að vera ddg á.
(Maður á nota nútíð þá hefur maður ekkert val)

Ég finn samt hvað mér líður miklu betur í vinnunni núna en í fyrra. Líður betur með sjálfa mig, finnst gaman að klæða mig í föt á morgnana (var algjör pína í fyrra) og er ekki eins óörugg með sjálfa mig. Ætla að hugsa um muninn sem ég finn á sjálfri mér og hvað mér líður betur næst þegar ég ætla að fara að borða eitthvað óhollt.

Ég þurfti bara aðeins að blása..

Kveðja Lífstíll

 p.s. Ég sé að það eru þónokkrir að skoða síðuna, væri gaman að fá fleiri komment, ég skal vera duglegri að blogga í staðinn. 

1. Borða ekki bakkelsi í kaffinu í vinnunni (hef staðið nánast 100% við það í allt sumar, minnir að ég hafi fengið mér 1x).
2. Borða ekki kex í vinnunni! (hef verið svoldið veik fyrir því að fá mér kex með kaffibollanum mínu)
3. Hætta að eyðileggja daginn með óhollustu eftir að ég kem heim úr vinnu.
4. Taka einn nammidag í viku ekki 2 eða 3!
5. Halda áfram að vera dugleg að hreyfa mig.

Þurfti bara að skrifa þetta svart á hvítu og gera opinbert. Hef ekki verið að standa mig sem skyldi með mataræðið, en verið mjög dugleg í hreyfingunni. Er  nú að spá að breyta svoldið til og skella mér í fitness box, held að það geti verið mjög skemmtilegt.

Kveðja
Lífstíll

Ég náði að hlaupa allan hringinn án þess að labba á milli!!! Varð að deila því með einhverjum er svo ánægð. Margt búið að gerast síðan seinast, labbði t.d. seinustu helgi Leggjarbrjót. Ég ætla að reyna að skrifa meira í kvöld, er bara svo leiðilegt að hanga í tölvunni eftir vinnu þegar það er svona gott veður.

Gangi ykkur vel áfram!!
Lífstíll

Ég skellti mér upp á Helgafell í dag, vá hvað það var samt erfitt að drattast upp af rassinum var búin að finna milljón ástæður að það væri betra að gera eitthvað allt annað en svo skellti ég mér bara og sé sko ekki eftir því. Veðrið er rosalega gott, samt svoldill vindur en ekkert sem truflaði. Svo þegar ég var komin niður skokkaði ég til baka, mjög hressandi.
Ég er mjög stolt af sjálfri mér. Var búin að reyna að fá einhvern með mér en þar sem það virkaði ekki skellti ég mér bara ein. Ég er reyndar orðin pínu einmanna í þessu átaki, vildi að ég hefði einhvern partner til að æfa með mér. Vinkonur mínar og kærastinn minn hafa bara nánast engan áhuga á hollustu og hreyfingu. En nóg um það, þýðir ekki að vera að velta sér upp úr því.

Hafið það gott um helgina!
Lífstíll

Sælar skvísur,

Allt gengur enn rosalega vel, ég er að vinna að því að bæta við þriðju morgunæfingunni, með því að fara út að hlaupa á miðvikudögum. Mataræðið gengur líka vel, ég er mjög ánægð að ég er komin úr þessari hálf-lægð sem ég er búin að vera í seinustu 2-3 vikur. Ég tók mig til og fann fullt af greinum og síðum á netinu tengdar heilsu og hreyfingu og "fann" þannig andann og ákafann aftur. Ég mæli með igoogle.com ég bjó mér til svoleiðis síðu og setti inn fullt af heilsudóti svo uppfærist það reglulega, ég fæ t.d. fitness tip of the day á hverjum degi. Þetta er alls ekki flókið og ég finn alveg að þetta hjálpar mér að halda mér við efnið.

Þið megið endilega kommenta ef þið lumið á góðum aðferðum til að hvetja ykkur áfram eða einhverjum sniðugum síðum sem þið kíkjið á.

Njótið góða veðursins!
Lífstíll

Eftir svakalega sukkhelgi (en skemmtilega) þá náði ég botninum á sunnudaginn og er kominn á fullt aftur. Ekki búin að borða neitt óhollt í 2 daga og langar ekki í. Finn að andinn er að koma yfir mig aftur. Ég á svo auðvelt með að gleyma mér ef að rútínan er ekki sú sama, en það er engin óregla í nánustu framtíð allavega.

Gangi ykkur vel.

Kveðja Lífstíll 

Ohh.. var búin að skrifa helling en það datt út! 
En ég er ekki að standa mig 100% þessa dagana, samt mjög dugleg að æfa en er bara um 80% með mataræðið, ég hef fengið mér svona einn súkkulaðibita þegar ég kem heim eftir vinnu. (Það er því miður ALLTAF til nammi heim hjá mér, kærastinn minn verður alltaf að fá sér eftir kvöldmat). En ég þarf bara að taka mig taki, ég hef getað staðist þetta hingað til. En ég stenst ennþá alltaf gúmmelaðið í kaffinu í vinnunni, stelpurnar eru einmitt alltaf að tala um hvernig ég fari að þessu.
Ég pantaði mér bók af netin, Making the cut eftir Jillian Michaels sem er annar þjálfarinn í the biggest loser. Ég hlakka til að fá bókina og vona að hún sparki aðeins í rassinn á mér, ég finn að ég er búin að missa agann og ákafann sem ég hafði í byrjun.
Ég þyngdist um 500g í seinustu vigtun, það er búið að vera svoldil "óregla" á mér, drakk 2 helgar í röð og er með vinkonu í heimsókn frá útlöndum, er svo að fara í útilegu um helgina en held að það verði nú engin djammferð, en ég veit að útilegum fylgir oft sukkmatur en ég ætla að gera mitt besta í mataræðinu.
Ég er ekki búin að fara í skokkhópinn, ég þori eiginlega ekki, er búin að missa af svo mörgum æfingum að ég held að allir séu orðnir miklu betri en ég að skokka. En ég hef farið nokkrum sinnum sjálf, hringinn minn sem ég ætla að geta hlaupið í einum sprett í lok sumars.
Nóg að sinni, ég skal svo reyna að vera duglegri að blogga, en ég skrifa örugglega ekki fyrr en á laugardag eða sunnudag, því ég verð út á landi allavega fimmtudag-laugardags.

Kveðja Lífstíll,

p.s. hvar eru DDV vörurnar í Hagkaup, t.d. í kringlunni, ég fór þangað um daginn og "skimaði" á eftir þeim, viðurkenni samt að ég leitaði ekki vel, var á svolitlri hraðferð.

Sælar skvísur,

 Allt gott að frétta af mér, hefur gengið mjög vel í mataræðinu, er sérstaklega stolt af því að ég stenst alltaf gúmmelaðið í kaffinu í vinnunni (það er á HVERJUM degi) fæ mér bara skyrið mitt og ávexti í staðinn.
Ég er komin með auka hvatningu, var að kaupa ferð til útlanda yfir rúma helgi í ágúst, þannig að ég verð að vera orðin flott til að geta keypt fullt af flottum fötum. So H&M here I come!
Ég á 2 vikur eftir hjá einkaþjálfaranum, hún ætlar svo að gera prógram sem ég get farið eftir því ég ætla að taka mér smá frí frá henni til að sjá hvernig það gengur. Plata hana kannski til að hitta mig á 2-4 vikna fresti til að fitumæla mig.
Vildi bara láta ykkur vita hvernig gengur, vona bara að það verði einhver léttingur á föstudaginn þó að ég hafi ekki verið of dugleg.

Takk fyrir að vera svona duglegar að kommenta! Þið eruð allar frábærar!  

Kveðja,
Lífstíll